إستفسار عن الماركيز

[MrMr]

السلام عليكم

كيف حالكم يا جماعة

إنشاء الله تكونون بألف خير

إخواني انا عندي ( قراند ماركيز 1999 أمريكي )

حبيت إني أركب كم قطعة على المكينة عشان تعطيني عزم وقوة + هدرز + كارونة

وعندي كم سؤال ...

وش الأغراض المناسبة لمكائن الفورد ؟

وبالنسب للهدرز <--- هل هو متوافر عندكم في الورشة ولا لازم تطلبه من برى ؟

بالنسبة للكارونة ... هل إذا غيرتها وركبت وحدة أكبر لازم أغير أشياء في القير ؟

أرجوا الإفادة

وبالنسبة للميزانية من 3 إلى 10 آلاف

[bashar_255]

الهيدرز حسب علمي أنه ما فيه شركة تفصل للفكتوريا لكن تقر تعدل على الكت باك

بالنسبة للكارونة موجود المقاس اللي تبغاه ان شاء الله

اما القير فما يحتاج أي تعديل

غير الكارونة لسيارتك ما فيه عندي الآن الا بواجي و دبات و إكس بايب و تقريباً فيه k&n في الوكالة ( أنا ماسك توزيع )

[MrMr]

مشكور اخوي على المعلومات

بس عندي إستفسار بعد <-- كلا اسئلة

الكارونة كم حجمها ؟ وكيف راح يكون عزم السيارة ؟ وكم سعرها ؟

---------

هل متوفر عندك كت باك كامل ؟

وهل الكت باك إلي عندك شركة أو تفصيل ؟

والدبات إلي عندك هل هي فلوماستر ولا شنو ؟ أصلية أو تفصيل ؟

وبالنسبة للتركيب هل راح يكون بالكبس أو باللحام ؟

لأن بصراحة انا الحين على سيارتي كت باك تفصيل من العتيبي وناوي أبيعه وأركب واحد ( شركة ) + دبات أصلية

وكم مقاس البايب ؟ هل هو 2.25 أو 2.50 او 3 انش ؟

فياليت لو تفيدني وإذا ما عليك كلافة تكتب لي السعر

تحياتي

[bashar_255]

الكارونة كم حجمها ؟ وكيف راح يكون عزم السيارة ؟ وكم سعرها ؟

فيه 3.73 مستخدمة و نظيفة قيمتها 750 ريال و فيه 3.55 جديدة قيمتها 1300 ريال


هل متوفر عندك كت باك كامل ؟

لا

وهل الكت باك إلي عندك شركة أو تفصيل ؟

فيه دبات و فيه اكس بايب

والدبات إلي عندك هل هي فلوماستر ولا شنو ؟ أصلية أو تفصيل ؟

من شركة ترش و هي اصلية و نفس تفصيل الفلوماستر 40 بالضبط

وبالنسبة للتركيب هل راح يكون بالكبس أو باللحام ؟

لحام

وكم مقاس البايب ؟ هل هو 2.25 أو 2.50 او 3 انش ؟

موجود 2.5 و 3 انش و قيمة الدبة الوحدة 350 ريال

الإكس بايب الموجود 2.5 انش و قيمته 300 ريال

[bashar_255]

اذا بغيت فيه بكرات ألمنيوم

و هذا رقم جوالي

0506844143
0548040084

[MrMr]

مشكور أخوي على الإفادة

وإنشاء الله عن قريب أجي لكم الورشة

تحياتي

[bashar_255]

الأغراض في المحل في الناصرة

[MrMr]

أخوي ما عليه كثرت الأسئلة عليك ههههه

بس هل أقدر ألعب شوية بالقير عشان أزيد من العزم <--- زيادة أو تغيير اي شي فيه

وعندي حاجة ثانية بعد

أخوي في شي من زمان أفكر فيه وما أدري هل هو موجود ولا لآ

هل يوجد ( دبات تلوث ) رياضية ؟

لأن إذا أركب دبات رياضية ودبات التلوث حقت السيارة ما شلتهم .. ما يطلع صوت للسيارة

فهل يوجد دبات تلوث رياضية ؟ ... لأن ريحة الكربون ذبحتني .. وهذا الشي إلي بيخليني أشيل الكت باك إلي على السيارة

وأرجعها مثل قبل

وإذا موجودة .. كم سعرها ؟

[bashar_255]

تقدر تركب شفت كت للقير بيصير تعشيقه اسرع لكن بتحس بطقة مع كل تعشيق

اما بالنسبة للدبات ركب دبات تلوث بدالهم .. فيه كاتيلكس من شركات لكن شخصياً مو مقتنع بهم

[MrMr]

مشكور اخوي على الرد السريع

بس ليش مو مقتنع بهم ؟ .. هل تخفف صوت الدبات يعني ولا كيف ؟

وبالنسبة لريحة لكربون .. هل تخف واجد ولا مثل ما هي ؟

وإنشاء الله هالإسبوع أجي لكم المحل وأزعجكم بالأسئلة ههههههه

بس أخوي وين محلكم بالضبط ؟

لأن انا ما أدل ولا حاجة في القطيف .. حدي شارع القدس + الكرنيش + محلات الزينة فقط

فـ يا ريت لو تحدد لي موقع المحل بالضبط عشان ما أضيع هههههه

تحياتي